Style>>

曖昧期的覆WhatsApp秘技!

其實WhatsApp回覆都有策略可言,覆得smart啲,WhatsApp絕對可以將兩個人嘅關係拉得更close,如果你遇到以下情況,唔知點回覆心儀嘅男生,一於用以下方法啦! 

新訊息1 :「喂,你最近有咩做啊﹖」 

回覆:你要表現得友善得嚟唔猴擒,例如:「Hi,我多數同班friend行吓街囉(你可以講其他活動都得)。你呢﹖」記住結尾俾條open question,俾機會佢覆返你,延續大家嘅對話。

新訊息2:「Hey Sexy,你著緊咩啊﹖」 

回覆:嘩,呢個msg有啲色情成分。如果你覆啲挑逗性嘅嘢,好容易會惹麻煩。記住,send WhatsApp同傾偈唔同,啲msg可以被record低,成為你做咗/講咗某啲嘢嘅證據。如果你覺得佢太急進,不如覆:「唔好玩啦,你上次話跟緊個project有無進展﹖」    

新訊息3:「你今晚去唔去嗰個Party」 

回覆:佢咁問就係因為佢想喺個party入面見到你。如果你都鍾意佢,你可以覆:「我會呀!今晚見啦!」如果你鍾意佢但係去唔到個party,可以揀唔覆佢,到個party完咗先問返佢:「好唔好玩啊?我尋晚有事嚟唔到。」佢可能會覺得你有少少cool,不過好多男人都偏偏俾呢種感覺吸引住,覺得你有挑戰性。    

 

新訊息4:「Hey Babe,希望你今日事事順利,好想快啲見到你。」 

回覆:嗱,唔係成日都有機會收到呢啲咁sweet嘅msg㗎,所以一定要好好享受。不過你咪破壞好事,例如:「嘩,你真係好sweet!你一定係鍾意我啦!I love you!」就真係嚇親人喇。你可以覆得冷靜少少同低調啲:「Haha,我都希望你順利,我都好想快啲見到你。」 就恰到好處喇。

新訊息5:夜半send嚟「 喺你屋企附近,可唔可以上嚟?」 

回覆:Send呢類短訊擺明係想搵食,可以不理。話唔定佢同時mass message幾個女仔,睇吓邊個「上釣」覆佢,千祈咪上當!。


More from CosmoGirl!
由愛情到性、美容到時裝,盡在 cosmogirl.com.hk

你怎樣評價這篇文章?

更多Cosmo Girl文章

更多Cosmo Girl文章