Style>>

急救暗瘡!6款滅痘產品大比併!

無論係因為咩原因都好,如果臉上無啦啦生咗粒暗瘡都幾礙眼,呢個時候,唯有靠產品以最快速度滅痘!今次我就親身試咗幾款去痘產品,一齊睇吓邊款最快見效啦!


Origins升級版 Spot Remover™ $140/ 10ml

特點:全新研製的特強配方,只需薄薄點於患處,即有效迅速減輕皮膚紅腫、消炎殺菌,並有效收細患處的毛孔,兼具紓緩修護功效。
有效度:★★★★☆
滅痘時間:約2-3天
總評:無論係初冒起或紅腫暗瘡都可以好快咁消除,效果很好。而且細細支方便攜帶,有需要時可以補搽。


Nabelle有機暗瘡凝膠 $448/15ml

特點:含多種抗敏、對抗暗瘡及緊緻毛孔成分,有效減輕毛孔阻塞,抑制過量油脂分泌而引起的細菌感染、暢通堵塞毛孔及預防暗瘡形成。
有效度:★★★★☆(4星半)
滅痘時間:約2天
總評:效果明顯,夜晚瞓覺前搽喺暗瘡上,第二朝起身暗瘡已經收縮不少。味道有點似醫生配給的藥膏,但唔會覺得臭。


Kiehl’s藍色草本爽膚水 $160 / 250ml

特點:適合油性、極油性及混合性肌膚的T字部位使用,亦可於粉刺部位作重點修護。含酒精成分,能有效吸走肌膚表面的多餘油脂,幫助肌膚維持pH值平衡。
有效度:★★★★☆
滅痘時間:約2-3天
總評:如果用cotton pad將這款爽膚水抹上臉的話會較乾,所以我會當暗瘡水用,用棉花棒沾少少,然後點在暗瘡處,第二朝起身暗瘡會收縮了一點,不過皮膚有輕微乾燥(少少甩皮)的情況,但整體來說感覺不錯。

The Body Shop茶樹油 $89

特點:蘊含來自社群貿易的有機茶樹油,具天然抗菌功效,能有效紓緩、改善及修復發炎紅腫肌膚。
有效度:★★★☆☆(3星半)
滅痘時間:約3天
總評:對於初冒起嘅暗瘡較為有效,第二朝已經消失了,但對於已腫起嘅暗瘡或太嚴重嘅暗瘡,就需要較長時間才見效。因為茶樹油有紓緩作用,除咗暗瘡之外,其他需要消炎殺菌嘅地方都可以用。

Nexcare荳痘隱形貼(圓形36貼)$36.9

特點:可吸收暗瘡分泌物,有效阻隔刺激物,加速暗瘡復原。而且不含藥性,免除令皮膚易敏感或乾燥的憂慮。
有效度:★★★☆☆ (3星半)
滅痘時間:約3天
總評:適用於含膿嘅暗瘡,臨瞓前貼喺暗瘡位置,第二朝起身,分泌物已經被吸走了,而且暗瘡收細了不少,如果仲有少少膿未清走,可以再貼多一、兩晚。但吸走分泌物後,暗瘡處會較乾而且甩皮。


CLINIQUE紓緩暗瘡控油潔膚面膜$210 (100ml)

特點:提供強效的護膚功能,不會產生乾燥或脫皮。只需5分鐘,面膜便滲透肌膚,而且容易清洗。這款泥漿式面膜能清潔及收細毛孔,舒緩肌膚敏感及發紅,收縮和消滅已長出的暗瘡,同時預防暗瘡惡化及擴張,減低暗瘡再生的機會。
有效度:★★★★☆
滅痘時間:約2-3天
總評:敷完之後感覺毛孔乾淨咗,第二朝暗瘡有消腫了的跡象,只需要再配合去暗瘡產品就可以好快復原了。

Tips:

。搽去暗瘡產品時,最好用棉花棒而避免用手指,因為手指容易有細菌,會增加暗瘡發炎的機會。

。記住要多飲水,令肌膚充滿水分,就無咁容易出油,可減低暗瘡形成的機會。

。每星期做一至兩次深層清潔 ,去走阻塞毛孔的死皮。

。洗臉後,暗瘡問題唔係太嚴重的話,可以用熱水和冷水交替輕輕拍面,咁樣可以加速血液循環,增強皮膚的抵抗能力。

 


More from CosmoGirl!
由愛情到性、美容到時裝,盡在 cosmogirl.com.hk

你怎樣評價這篇文章?

更多Cosmo Girl文章

更多Cosmo Girl文章

最新文章

1 / 20

加入Yahoo Style FB fans 緊貼時尚生活資訊!

FB好友動向