以前任DJ用聲音發聲，茜利妹已經是出名的烈女掌門人，烈女之意，在於其為人爽直，想做就去做，從來不受規矩所限。近年較少露面的她，原來近期又密密起革命，籌備其首個相展與相集《樣板孃 gal sampler》，不過今次她不是純以個人喜好出發，而是慈善為本，有創意又善心爆棚的茜利妹，自然更值得大家支持。
- 迷你與我
- 茜利妹開相展，可以由一部細細機仔說起，這是日本著名玩具相機品牌HARINEZUMI推出，只得9cm x 3.5cm的迷你數碼相機，話說今年5月茜利妹請好友Meter幫她買入了這部相機，於是她影影影，一日她發現影下來的相片當中以影女生的影吸引，於是忽發奇想，要籌備一個相展，當中有111位女生的snap，而且全部相片都由這部迷你機拍出來。「因為部機仔得意，個個女仔朋友見到都『嘩』一聲，仲會主動提議影啲得意嘢。記得收到相機嗰晚約咗阿嬌同其他朋友食飯，於是佢就成為我第一個模特兒，其他artist朋友仲有謝安琪、容祖兒、at17、千嬅、阿Sa、方皓玟、谷祖琳、趙學而、薛凱琪、周秀娜等等，之外仲有一啲我做嘢識嘅女仔。」
- 影女至上
- 原來之前茜利妹都頭痛究竟相展影咩題材至好，最後始終覺得影女最易兼最好睇。「影女有好多唔同style，個個都好唔同，有cool、有可愛、有未ready，唔同面貌都會好睇。傾好相展，就諗不如出埋相集，最後發展到charity，為咗減低成本，仲叫埋啲女仔自己設計埋相框點present，咁先有番佢哋character嘛。」早前茜利妹到日本公幹兼旅行，更無心插柳跟日本Snap King米原康正見面。「可以見米原真係巧合，本來去日本係玩同有少少嘢傾，同行嘅Meter咁啱有一日打俾米原，原來佢去完L.A.的相展，啱啱落機，Meter同佢提到有個香港media朋友嚟咗，不如meet吓，佢竟然話好，於是就約咗去佢office，一傾就傾咗兩個鐘，之後嗰日仲去咗佢喺六本木舉行嘅exhibition。」嘩，跟Snap King米原康正大談「攝女」心得，幾多潮人恨都恨唔到的事啊。
- 青春無晦
- 這幾年來茜利妹推出過好幾本著作，出書應該難不了她，但相展是第一次，而且她一向都愛親力親為，一定很累吧？「其實都好順利，由影相、搵場地、同出版社傾都好快搞掂，反而因為今次係想捐錢，程序上、paperwork就最煩，今次相展同相集賣出嘅錢，扣除必要開支，會全數捐予香港思覺失調學會，支持由谷祖琳同家人籌備兩年的《青春無晦》行動。」講番少少《青春無晦》行動的背景，其實是兩年前，谷祖琳的弟弟疑因抑鬱症及思覺失調跳樓輕生，為谷家上下帶來沉重打擊，作為谷祖琳的好友，跟其弟弟都份屬老友的茜利妹，憶述當日得知谷祖琳弟弟離世的消息，仍猶有餘悸。「太突然了，那時期只是覺得谷祖琳成日唔見人，精神好差，但唔講咩事，我只覺得19歲的細佬有點神化，但以為是年輕人古靈精怪，而且佢好叻，彈琴又8級，畫畫又叻，點會諗到佢有事。」事件發生後，大家都傷心不已，而這兩年間谷家決定做一點事，成立了《青春無晦》基金，希望大家關注抑鬱症及思覺失調的年輕病患。
- 《樣板孃 gal sampler》慈善相展
- 日期：2009年11月8至15日
- 地點：海港城海運大厦 2 階 SportX
- 《樣板孃 gal sampler》相集，$111（相集扣除必要開支，全數捐予香港思覺失調學會，支持由谷祖琳、谷德昭家族創立的《青春無晦》行動之發展。）
- Hair : Ray Mork @ Chin G
- location : elsie Cafe & Restaurant
- photo frame : black Ta @Y!BLOG
- 茜利妹@Y!BLOG
