剛到東京一遊，今個trip之代表作為：遊淺草及遇上米原康正遇上Hiromix…
- 前者呢，因為同行友人乃首次踏足東瀛，那我便理所當然地強力推介淺草雷門寺啦一定要！
- 「睇o下城市又睇o下古廟，來個東京新舊對照，又有相影，筍呀！」無疑是我自說自話，擺明自己好想去，因為呢，我deep down係有呢味「鍾意做遊客心態」的…係要「好遊客好遊客」咁出遊先有那種放假快感的呢呵呵~~
- 至於後者，乃由駐日潮流達人（！）meter仔穿針引線…
- 話說那個天陰陰的星期三我們走訪了好幾個地方，半工半私地會晤一些人、又室內又戶外地拍了點照片，已經夠累的了… 雖然長時間我都是處於放空狀態…（但前一晚飲到好大宿醉未醒呢！當個盡責的遊客可是此行首要本份啊！我可是在放annual leave呢！）
- 終於幹畢最後一個項目，正當我舉手高呼：「好o野！嘆個tea先啦喂！」meter仔已效率其高地撥o左個輪，與那邊廂嘰嘰咕咕地談起日語，我大致上聽到他說「香港來的朋友、LA、Narita」…
- 「米原剛從LA回來，正由成田機場回原宿，可於兩個小時後會面。」meter仔謂。
- 「o下？唔攰咩佢？o岩o岩落機~~」我問。
- 「可以的。」meter仔謂。
- 當下我卻暗地裡希望米原San係咁易跟我（們）寒喧數句，快快打發我（們）便好了﹣俾著我必定會囉，三九又唔識七，又長途機又jet lag咁 ﹣我心諗~~
- 因為，我．真．的．很．想．去．吃．飯．呢．呢．呢．呢．呢 …
- 到了米原的事務所，坐下呷一口冰茶，嗯，好喝喲！益發想吃飯呢 …
- 米原與太太跟我們Combawa一番，甫坐下便娓娓道來LA的Exhibition之種種，再延伸至被標籤為「日本情色時尚攝影師」的Pros & Cons；中西日（次）文化之異同，中途又穿插了不少港日潮界八掛o野，juicy到呢~~
- 話題一開，自是停不了，縱使meter仔已邊聽邊即時傳譯，但也難以100%全譯，因米原在侃侃而談，不好意思打斷得太多o麻，是以，meter仔只能精要地翻譯。
- 當中數回我禁不住打趣地道：「噢，原來日文咁長先解得咁少o既~~」
- 大多數時候我都是以我緊懂的日語（！）去理解… 更多時候，更是以眼耳觀察，看其動作表情，感受其聲音語氣，很是聚神。經過一整天的放空，本宮終於歸位了！
- 許是過了只有知識交流／換才能滿足左腦的階段吧，近期很享受讓右腦感應周遭電波的奔馳思考模式，靈魂交流多過硬料過招，與自身本能及直覺對號接軌也，很好玩的 。
- 這樣竟不知不覺地談了兩句鐘！（雖依然想吃飯，但卻滿足了不少喲~~）
- He's such a guy with strong passion of what he's doing & dealing with~ RESPECT ;)
- 最後當然少不了「影相仔」環節，那種歡欣竟猶如第一次影貼紙相般呢！
- 剛巧翌日的《Tokyo Photo 2009》也有米原的照片展出，他邀我們去，去呀咩唔去！
- 噢，夠字，咁留番下次講啦嘻嘻 ;)
- Meter Chen@Y!BLOG
- My Y!BLOG
