有些人《失戀33天》、真的會33天都來找你陪。何況，長期的失戀病患者，多著。
Text: F. Alarm
有種病，叫失戀候群。
那一系列具體的病狀包括：心口作嘔作悶作痛、容易觸景傷情卻會很主動地接觸慘情戲和慘情歌、喪失生存意志、放棄對生活質素的追求（例如不修邊幅、胡亂吃垃圾食物、酗酒、一日四包煙等等）、暴食或絕食、工作散慢容易魂遊、拒絕社交或者忽然間很活躍於社交etc，失過戀的人總會執到其中幾個癥狀。
今日談的不是作為失戀病病人應該怎做，而是作為「醫生」可以怎辦──當你有朋友失戀，而他/她是有拖拍時有異性冇人性、失戀後卻突然很有人性頻頻找朋友活躍於於社交，突然要扮演心理醫生，我們還是需要接受點訓練。
訓練1：聆聽部份
失戀的人，心中有一堆份量堪比太平海的苦水要吐出來，不熟水性的分分鐘會被淹死，這時候聆聽技巧就是你的救生衣。他們分手的原因、過程這些重要資料當然要聽清楚，也要讓他由頭到尾說完，別在中間打岔表達意見；更重要的，是學習面對awkward silence──明明平時是嘻嘻哈哈的朋友，現在他說到傷心處/憤怒處時可能會哭、會跺地、會打牆，叫人如何俾反應呢？舉例說他哭出來了，「唔好喊啦」、「喊啦，喊出嚟舒服啲」都是多餘的說話，默默遞張紙巾、拍一拍他膊頭、超熟者來一個擁抱，這些時候一說話便膚淺了，無聲總勝過「唔好喊啦佢唔值得~~~blablabla~~~~」。
訓練2：口試部份
我們對朋友的戀人，大約就只有「佢哋天生一對」、「OK吖幾好吖」和「都唔知點解會揀個咁嘅人」幾種意見。前兩者還不算太難處理，如果是後者，我們很容易會因為心感興奮而亂說話：「一早叫你飛咗佢咖啦/而家證明我嗰時講嘅嘢冇錯啦/話你又唔聽係都要中個頭埋去」。這些自詡先知、顯示自己勁的話，背著他說好了，失戀的人聽到這些說話，便會在傷春悲秋之餘，愈來愈懷疑自己：「原來我真係咁蠢咁唔帶眼識人。」結果是拖延了康復期──他康復得慢，你也不會太好受。
同一個意思，可以反過來用其他方法講：「佢真係唔啱你，你哋散係好事，等你可以早啲換個更加好嘅」、「喂我一直都覺得你deserve better個喎！你喎！」他已經很感挫敗，這時候作為朋友，講說話既要坦白，也少不免要用張花紙把說話包一包。
訓練3：耐性部份
康復期有長有短，有些人病情反反復復好久未癒，晚晚打來傾訴一個人吃飯和獨守空房之苦，沒兩小時不肯收線。朋友嘛，陪得就陪，到你的耐性被燒光之際，就要開始話唔好，卻不能太過直白地說：「夠未呀你好煩呀！快啲搵過個啦！」
找其他朋友幫手輪更吧！
畢竟心理醫生有診金收，你只是個義工。
祝他們都早日康復，還你自由。
11則留言